Kupa e Shqiprisë zhvillohet turni i par

Kupa e Shqipërisë, zhvillohet turi i parë


Në këtë tur janë ballafaquar mes tyre skuadrat e kategorive inferiore 28-08-2006
Janë luajtur dje ndeshjet e turit të parë eliminator të Kupës së Shqipërisë, ku janë ballafaquar mes tyre skuadrat e kategorive inferiore. Të ndara në dy grupe, skuadrat kanë zhvilluar një ndeshje, që ka qenë përcaktuese për kualifikimin, sepse ndeshje kthimi nuk do të ketë. Në grupin e parë nuk është luajtur ndeshja mes Përparimit dhe Olimpikut të Lushnjës, pasi skuadra e dytë nuk është paraqitur në Kukës. Ky fenomen është i zakonshëm për ekipin kuksian, sepse shumë skuadra refuzojnë të shkojnë për të luajtur në fushën e Përparimit, që gjithsesi është kualifikuar për në turin e dytë të kupës. Ndeshjet e tjera kanë folur për skuadrat vendëse, shumica e të cilave kanë fituar thellësisht. Kështu, në grupin e parë Iliria ka mundur 4-0 Olimpikun e Tiranës, Egnatia 3-0 Skraparin, Dajti 5-0 Çlirimin, ndërsa Poliçani dhe Veleçiku fituan 2-1 përkatësisht me Naftëtarin dhe Korabin.
Në grupin e dytë bien në sy fitoret e Delvinës dhe të Maliqit, të dyja me rezultatin 3-0. Ndeshjet Butrinti-Këlcyra dhe Cakrani-Albpetroli shkuan me kohë shtesë, pasi koha e rregullt kishte përfunduar në barazim 1-1. Në kohën shtesë, vendësit shënuan golin e fitores dhe njëkohësisht të kualifikimit. Me rezultat të ngushtë fitoi Gramozi, që mundi 2-1 Pojanin, dhe Përmeti që mundi 3-2 Memaliajn. Skuadrat e kualifikuara për në turin e dytë të kupës janë: Egnatia, Iliria, Përparimi, Dajti, Poliçani, Veleçiku, Butrinti, Gramozi, Maliqi, Përmeti, Cakrani dhe Delvina.

Grupi i parë
Egnatia - Skrapari 3-0
(Troka 11', Amiraj 47', 55')
Iliria - Olimpik Tiranë 4-0
(R.Maloku 13', Zhuli 16', Kola 42', Kaziu 85')
Përparimi - Olimpik Lushnjë
(nuk u paraqit Olimpiku)
Dajti - Çlirimi 5-0
(Begolli 42', Haxhiraj 52', Meta 67', 86', Kryemadhi 80')
Poliçani - Naftëtari 2-1
(Sula 10', Kanani 75' (11-m), Kaja 60')
Veleçiku - Korabi 2-1
(F.Hysa 27', A.Hysa 51', Tatica 64')

Grupi i dytë
Butrinti - Këlcyra 1-1
(Debi 20', Rugji 110', Hoxha 90')
Gramozi - Pojani 2-1
(Shupe 18', Sadiku 23', Rexhepi 79' (autogol))
Përmeti - Memaliaj 3-2
(Merdani 10', Karalliu 34', G.Kurti 45', Hajredini 55', Jaupi 70' (11-m))
Cakrani - Albpetroli 2-1
(Kalemi 10', Shpata 16', Byzyka 118')
Delvina - Bylisi 3-0
(Mehmeti 15', Kotolloshi 75', R.Çuno 84')
Maliqi - Domosdova 3-0
(Pino 18' (11-m), Ymerllari 51' (11-m), Gjipali 66')
__________________

tirana ma e mira osht me doket :D:D